الاربع 2020-04-15

كفايه بقي حزن و زعل الله يرضي عليكم !!

كفايه بقي حزن و زعل الله يرضي عليكم !! سمعت الدكتور مجدي إسحاق الطبيب النفسي الشهير بيحكي بيقول ان الموت سر ، لا أحد يعرف أسبابه بالظبط، و لا حتي امهر الدكاترة.. سر في ايد الخالق ، مانح الحياة !! لكن المؤكد أن الزعل بيموت ، يا بالبطيء يا أحيانا فجأة !! الزعل مرتبط بهرمونات الحزن، الكورتيزول و الأدرينالين، اللي لما بينسكبوا في الدم بكميات مهولة ، الضغط بيعلي، و السكر بيتضاعف، و بيحصل اختلال في ضربات القلب، و ضيق في الشرايين؛ وراها علي طول نزيف في المخ أو انسداد في شرايين القلب ، و ضعف حاد في عضلة القلب و هبوط رهيب في الدورة الدموية !! العامل النفسي هو المتهم الأول دلوقتي في الوفاة ، و لقوا أن له ٣ أسباب.. ١-فقدان القوة علي حل المشاكل و الاحساس بالإحباط و القهر .. Loss of power and frustration ٢-فقدان الامل Loss of hope ٣-فقدان القدرة علي التحكم في مشاعر الحزن Loss of depression control.. Overwhelming emtion ده اللي بيفسر ليه فيه ناس (و دايما اللي عندهم حساسية عالية ) ، و اللي شايلين الزعل علي قلوبهم، بيمرضوا و يموتوا بدرى .. الزعل بيدمر حرفيا، و طاقته المرعبة بتقطع نياط القلب (الحبال اللي رابطة العضلات) ، و ده بيسموه متلازمة القلب المكسور Broken heart syndrome .. اوعي تسيب حد زعلان ، انت كده بتقتله.. اسمعه و طيب خاطره، لمسة حب علي حضن دافي ممكن تنقذ حياته !! و انت أوعي تسيب نفسك للحزن ، فضفض باللي جواك لحد بيحبك، و افتح قلبك بالصلاة لربنا اللي بيسمع الكل !! قول للمجروح : سلامة قلبك ، سلامة نفسك، كلنا جنبك !! برده الدكتور مجدي يعقوب أكبر و اشهر دكتور قلب ف العالم حذر من الحزن والزعل في لقاء تليفزيوني لما المذيعة سألته وبتقوله إيه اللي بيتعب القلب يا دكتور يعقوب !! رد عليها وقالها : حاجات كتير لكن أوحش حاجة هو الحزن ..معظم المرضي اللي بتجيلي وعندها مشاكل ف القلب بيبقي سببها الحزن !! ..الحزن بيوجع القلب ويخلي حتت منه تضعف ..دي حاجات شفناها كتير في السنين اللي فاتت ..قلب بيبقى مكسور .. وده بيأثر عليه ..القلب مبيشتغلش بعد ما حد بيزعل جدا .. عضلة القلب بتضعف من الحزن والكسرة وممكن وقتها الإنسان يموت لو حصل مضاعفات قبل ما العضلة ترجع لوضعها الطبيعي .. وإن الحزن وكسرة القلب بتموت مش مجرد شعور إنساني أكبر بروفيسور في القلب وأمراضه بيأكد للعالم كله إن الحزن بيموت زيه زي المسدس .. وإن الكسرة والحسرة والحزن سواء من ناس قريبة مننا أو على ناس قريبة مننا ممكن يموت .. وإن الدمعة على المخدة بليل مش دلع ومجرد مشاعر لا دي بتموت .. وإن اللي بيقعد في اوضته حزين ومكتئب ممكن يموت ..واللي بيكسر قلب حد سواء بفراق أو غدر أو كذب ممكن يموته ..واللي بينصدم في حد ممكن يموت .. واللي مبيراعيش مشاعر حد ممكن يموته .. واللي بيفارق حد ويبعد عنه ممكن يموته ..واللي بيوجع القلب بكلام جارح ممكن يموته ..وإن الحسرة من ذكريات محفورة بتوجع الروح ممكن تموت الحزن فعلا بيموت .. ولازم الناس تدرك ده .. أرجوكم متسيبوش حد زعلان وينام وهو حزين وتقولوا هنبقى نصالحه بعدين .. انت ممكن متلاقيش بعدين أصلا .. متلاقيهوش هو شخصيا .. ممكن تصحى وتنام تلاقيه مش موجود في الحياة .. تلاقيه مات بحزنه وسابك بحسرتك عليه اللي ممكن يموتك إنت كمان .. دايرة الحزن بتفرم أي حد ..ألحقوا اللي بتحبوهم قبل فوات الأوان ومتأجلوش الكلمة الحلوة اللي ممكن تشفي حد .. ده الدقيقة بتفرق والله "اللهم إنا نعوذ بك من الهم والغم والحزن والكسرة والحسرة "

تواصل معنا

  • للتواصل معنا
  • رقم المكتب: 01000556151 – 01000553938 – 01000553789 – 01000557520
    - 01115333361 - 01115333362
  • فاكس: 26906003
  • صندوق بريدى: 11341
  • البريد الإلكترونى: Elshahawypar@gmail.com

Inspatium 2016. All Rights Reserved ©